Kompania amerikane Anthropic prezantoi të hënën, më 9 nëntor, modelet e reja të inteligjencës artificiale Claude Fable 5.2 dhe Claude Mythos 5.2, të ndërtuara për detyrat më të vështira teknike në programim, shkencë dhe siguri kibernetike. Sipas kompanisë, gjatë testimeve modelet zgjidhën dy probleme të hapura të fizikës së vrimave të zeza, projektuan nga e para tri pajisje elektronike funksionale dhe formalizuan provën e Teoremës së Fundit të Fermat-it në 30 orë.
Në thelb bëhet fjalë për të njëjtin model, por me masa mbrojtëse të ndryshme: Fable 5.2 është i disponueshëm për të gjithë përdoruesit, me mbrojtje të forta në fushat e sigurisë kibernetike dhe biologjisë, ndërsa Mythos 5.2 u jepet vetëm organizatave të verifikuara. Anthropic thotë se modelet e reja janë deri në 30 për qind më të shpejta se versionet 5.1 dhe kushtojnë 8 dollarë për një milion tokenë hyrës e 40 dollarë për një milion tokenë dalës.
Sipas CNBC, ky është lansimi i parë i modeleve më të avancuara të Anthropic që kur drejtori ekzekutiv Dario Amodei bëri thirrje në shtator për ngadalësimin e ritmit të zhvillimit të inteligjencës artificiale. Lansimi vjen ndërsa kompania përgatitet për hyrjen në bursë, e cila, sipas CNBC, mund të ndodhë që javën e ardhshme.
1 koment