Një performancë që la pa fjalë publikun dhe krijoi ndasi në opinion
Gjatë ceremonisë madhështore të American Music Awards, Jennifer Lopez u rikthye në qendër të vëmendjes me një performancë spektakolare, por që këtë herë shkaktoi më shumë diskutime sesa duartrokitje. Artistja 55-vjeçare, e njohur për stilin e saj provokues dhe energjinë në skenë, u ngjit për të interpretuar një medley të hiteve më të famshme të momentit – por ishte fundi i performancës që i tronditi të gjithë.
Në një moment të papritur, Lopez u përkul dhe shkëmbeu puthje me dy prej balerinëve të saj – një mashkull dhe një femër – duke shkaktuar reagime të menjëhershme në rrjetet sociale. Shumë e krahasuan me puthjen ikonike të Madonna-s me Britney Spears në MTV VMA 2003, por për të tjerë, ky akt i Lopez-it dukej më shumë si një përpjekje e tejzgjatur për të mbetur në qendër të vëmendjes.
Kritika, mbështetje dhe pyetja që lind natyrshëm: A e teproi J.Lo këtë herë?
Pas performancës, mediat sociale u ndanë në dy kampe. Një pjesë e ndjekësve e vlerësuan guximin e saj për të sfiduar normat, ndërsa të tjerë e quajtën të ekzagjeruar dhe jo të përshtatshme për moshën apo statusin e saj.
“Një përpjekje e dëshpëruar për vëmendje”, ishte komenti më i përsëritur në rrjete, ndërkohë që shumë të tjerë e kritikuan për mungesë autenticiteti.
Në anën tjetër, pati edhe nga ata që e mbrojtën, duke thënë se ajo vazhdon të jetë një ikonë që nuk ka frikë të eksperimentojë. “Ajo po bën atë që ka bërë gjithmonë – trondit skenën,” komentoi një fans në Twitter.
