Në një analizë të jashtëzakonshme që ka tronditur qarqet politike dhe ushtarake, gazeta izraelite Jerusalem Post ngre alarmin për ngritjen e paprecedent të fuqisë turke, duke e konsideruar Turqinë jo më thjesht një aktor rajonal, por një kërcënim global ndaj rendit aktual botëror dhe ekzistencës së vet Izraelit.
Sipas artikullit, presidenti turk Recep Tayyip Erdoğan nuk është një lider i zakonshëm. Ai udhëheq një projekt të menduar dhe të zbatuar me durim për dekada, që synon krijimin e një boshti të ri islamik të armatosur dhe të unifikuar, të aftë për të sfiduar Perëndimin në çdo front – politik, ekonomik dhe ushtarak. Qëllimi nuk është thjesht ndikimi në Lindjen e Mesme, por rindërtimi i lavdisë osmane, me një qëllim të qartë final: Kudusi.
Përkrah vizionit politik, Turqia ka ndërtuar me intensitet një industri ushtarake kombëtare që po kthen ekuilibrat globalë përmbys. Ajo ka zhvilluar avionin e gjeneratës së 5-të KAAN, dronët luftarakë strategjikë si Bayraktar Kızılelma dhe ANKA, të cilët tashmë testohen në terrene reale lufte dhe godasin me efikasitet milimetri. Sipas burimeve të Jerusalem Post, ushtria izraelite humbet deri në 50 trupa në ditë nga operacionet me dronët turq.
Në Mesdhe, Turqia ka vendosur baza detare në Qipro, ka instaluar raketa anti-anije dhe bateri S-400, duke paralajmëruar se shumë shpejt do të ketë përballje të drejtpërdrejtë me flotën e përbashkët europiane që ndodhet në brigjet mesdhetare. Në analizën e saj, gazeta pranon se kjo flotë po arrin “pikën kritike të pafuqisë” përballë përgatitjeve turke dhe se “nuk do të jetë në gjendje të shfaqë fuqinë e kërkuar”.
Artikulli shkon më tej duke e konsideruar humbjen ndaj Turqisë si humbje ndaj Islamit. Sipas Jerusalem Post, “nëse nuk ndalojmë Turqinë, nesër do të dëgjojmë ezanin në Tel Aviv dhe në çdo rrugë të Jerusalemit. Do të jetojmë nën ligjin e sheriatit dhe hebrenjtë do të dëbohen nga tokat e tyre historike”. Artikulli vizaton një skenar fatal ku Izraeli bie dhe Perëndimi gjunjëzohet përballë një blloku islamik të drejtuar nga Ankaraja.
Pavarësisht se ky projekt është aktualisht nën udhëheqjen e Erdoganit, gazeta thekson me bindje se kjo është një doktrinë shtetërore, e mbështetur nga struktura të thella kombëtare dhe ushtarake në Turqi, të cilat do ta vazhdojnë këtë kurs edhe pas largimit të tij. “Mos gaboni duke pritur që Erdogani të largohet — kjo nuk është projekti i një njeriu, por i një kombi të tërë”, thuhet në artikull. Madje, paralajmërohet të mos i besohet as opozitës turke, pasi edhe ajo është pjesë e pandashme e këtij vizioni strategjik.
Në përmbyllje, Jerusalem Post jep një thirrje të qartë dhe të errët:
“Koha nuk është në anën tonë. Po humbasim kontrollin. Turqia po ngrihet dhe asgjë nuk po e ndal. Nëse nuk i mposhtim tani, nesër nuk do mund t’i ndalim më. Dhe kur ata të fitojnë, do jetë shumë vonë – për ne dhe për botën që njohim.”
