Tragjedi në ajër! Një avion i Air India me 242 persona në bord u rrëzua vetëm pak çaste pas ngritjes nga aeroporti i Ahmedabad mëngjesin e 13 qershorit.
Brenda 60 sekondave, gjithçka u kthye në kaos dhe flakë.
Thirrja që paralajmëroi fundin
“Mayday! Mayday! Po humbasim fuqinë!”
Ishte kjo thirrja dramatike e kapitenit Sumeet Sabharwal, një pilot me mbi 8 mijë orë fluturimi, që sinjalizoi për rrezikun e madh. Por ishte tepër vonë…
Avioni nuk arriti të fitojë lartësi. Brenda sekondave, ai ra dhe u përplas me tokën, duke shkaktuar një shpërthim të fuqishëm që dëgjua në të gjithë zonën përreth.
Vetëm një i mbijetuar nga 242
Në një mrekulli të rrallë, një pasagjer shpëtoi.
Viswash Kumar Ramesh, 38 vjeç, me origjinë indiane dhe pasaportë britanike, arriti të dalë i gjallë nga rrënojat. Ai ishte ulur në vendin 11A.
“Nuk di si jam gjallë… mendova se do vdisja” – tha ai në një telefonatë të tronditshme me familjen.
Sot, ai është i shtruar në spital, nën kujdes të rreptë mjekësor.
Dyshimet e ekspertëve: Çfarë shkoi keq?
Hetimi i parë ka ngritur dy pista kryesore:
- Gabim në pozicionimin e flaps-eve, që mund të ketë shkaktuar humbje fuqie.
- Përplasje me tufë zogjsh, që mund të ketë dëmtuar motorët në momentin vendimtar.
Pamjet e sigurisë dhe dëshmitë e banorëve lokalë flasin për një zhurmë të fortë anormale, menjëherë para rrëzimit.
Kutia e zezë do të tregojë të vërtetën
Një ekip i përbashkët nga India, Britania dhe SHBA po heton ngjarjen. Të gjithë sytë janë tani nga kutia e zezë, e cila pritet të zbulojë të vërtetën tragjike që fshihet pas sekondave të fundit të fluturimit.
India është në zi. Bota në tronditje.
241 jetë të humbura. Një dëshmitar i gjallë. Dhe një mister ajror që ende kërkon përgjigje.
A mund të ishte shmangur kjo tragjedi?
Apo ishte thjesht një gabim fatal në ajër?
