Ajo është një nga artistet më të dashura të muzikës shqiptare, dhe ndonëse kanë kaluar vite që nga hiti i saj i parë, duket sikur koha ka ndalur për Vesa Lumën.
Së fundmi, një postim në rrjetet sociale i ka habitur fansat, pasi u zbulua mosha reale e këngëtares. Vesa Luma është 38 vjeçe, por pamja e saj rinore dhe energjia që transmeton në çdo paraqitje publike bëjnë që shumëkush ta mendojë se është shumë më e re!
Komentet kanë vërshuar nga ndjekësit e saj që nuk mund ta besonin këtë fakt. “Për mua je 25!” – shkruante një fans, ndërsa një tjetër shtonte: “Sekreti i rinisë paska emrin Vesa Luma!”
Artistja, e cila prej vitesh është edhe një nënë e përkushtuar dhe bashkëshorte, duket se ka gjetur formulën perfekte për të ruajtur jo vetëm talentin, por edhe freskinë fizike.
Mos vallë është gjenetika, stili i jetesës, apo thjesht dashuria për atë që bën? Një gjë është e sigurt – Vesa Luma mbetet një ikonë që sfidon kohën!
