Katër persona të armatosur kanë grabitur të enjten dyqanin De Beers në rrugën Rue de la Paix, në qendër të Parisit, dhe janë larguar me motoçikleta. Policia e Parisit tha se ngjarja ndodhi rreth orës 11:15, se të dyshuarit i treguan armët por nuk qëlluan, dhe se nuk pati të lënduar.
De Beers konfirmoi grabitjen në dyqanin pranë Place Vendôme dhe tha se nuk pati lëndime të rënda. Dyqani mbetet i mbyllur për hetim. Policia tha se u vodhën mallra luksoze me vlerë qindra mijëra euro, ndërsa një burim policor i tha AFP-së se vlera kalon një milion euro. Lexoni më shumë lajme nga bota.
Të dyshuarit, të veshur me të zeza dhe me përkrenare, janë ende në kërkim. Prokuroria e Parisit ka hapur hetim për vjedhje të armatosur në grup të organizuar.
