Ylli shqiptar i muzikës pop, Dua Lipa, do të jetë artistja kryesore e së premtes në festivalin Coachella 2027, që zhvillohet në Indio të Kalifornisë më 9-11 dhe 16-18 prill. Krahas saj, netët e tjera i kryesojnë Tame Impala të shtunën dhe SZA të dielën, sipas Billboard.
Për Dua Lipën kjo do të jetë performanca e parë e mirëfilltë në Coachella. Ajo është ngjitur në skenën e festivalit vetëm si e ftuar e Martin Garrixit në vitin 2017, pak muaj para daljes së albumit të saj të parë, shkruan Rolling Stone.
Në të njëjtën natë do të performojnë edhe Madonna, Zara Larsson, Jisoo, Peggy Gou dhe Kehlani, ndërsa Daddy Yankee do të ketë një paraqitje të veçantë si emër i katërt kryesor. Biletat dalin në shitje më 13 nëntor në faqen zyrtare të festivalit. Më shumë lajme nga bota e artistëve gjeni te rubrika Yjet.