Aksionet e Nvidias, gjigantit amerikan të çipave, ranë ndjeshëm pas raportimeve se bordi i drejtorëve po shqyrton largimin e drejtuesit ekzekutiv Jensen Huang. Sipas BBC, mbi gjysmë trilioni dollarë janë fshirë nga vlera e tregut të kompanisë që kur nisi skandali.
Huang pranoi në një email drejtuar punonjësve se kishte qenë i pabesë ndaj bashkëshortes dhe kërkoi falje. Të mërkurën doli një raport për një lidhje tjetër të supozuar me një zëvendëspresidente të kompanisë, ndërsa bordi kishte nisur tashmë një hetim të pavarur, siç e kemi raportuar këtu.
Njerëz pranë bordit i thanë BBC-së se e ardhmja e Huangut “nuk duket mirë”. Ndërkohë, aksionet e rivalit AMD janë rritur me mbi 21% në pesë ditë. Nvidia, motori i bumit të inteligjencës artificiale, publikon rezultatet tremujore javën e ardhshme.
