Dy supercisterna që transportonin së bashku më shumë se 4 milionë fuçi naftë u nxorën jashtë funksionit nga shpërthime të fuqishme në Ngushticën e Hormuzit, vonë të mërkurën, njoftoi të enjten Marina e Gardës Revolucionare të Iranit. Sipas deklaratës së saj, anijet kishin shpërfillur paralajmërimet e përsëritura për të mos përdorur një rrugë lundrimi që Teherani e quan të paautorizuar në pjesën jugore të ngushticës, raporton Anadolu.
Media shtetërore iraniane shtuan më vonë se cisternat “shpërthyen pasi goditën mina detare” dhe transmetuan pamje që, sipas tyre, tregojnë incidentin, sipas Reuters. Garda Revolucionare i akuzoi anijet për bashkëpunim me ushtrinë amerikane dhe paralajmëroi se çdo anije që fik sistemet e navigimit për të kaluar nga rruga jugore do të ketë të njëjtin fat. Identiteti i dy cisternave nuk u bë i ditur.
Incidenti ndodh mes tensioneve të vazhdueshme mes Uashingtonit dhe Teheranit për lirinë e lundrimit në një nga korridoret më të rëndësishme të naftës në botë. Lufta nisi më 28 shkurt me sulmet e SHBA-së dhe Izraelit ndaj Iranit, ndërsa armëpushimi i prillit nuk i ka ndalur përplasjet. Për ndikimin në tregun e naftës lexoni më shumë te rubrika Energjetika.