David Schwimmer, i njohur për rolin e Ross Geller në serialin “Friends”, është rikthyer me një pulovër të kuqe, këtë herë në një reklamë për markën e modës Quince. Spoti “Puloveri i Kuq” u kujton fansave momentin kur u zbulua se Ross ishte babai i fëmijës së Rachelit, raporton Telegrafi duke cituar Yahoo.
Në reklamë, Schwimmer endet nëpër rrugët e New Yorkut në kërkim të një pulovre të kuqe kashmiri, por kudo që sheh, dikush e ka veshur tashmë, madje edhe një qen. “Unë dhe pulovra e kuqe kemi një histori të gjatë së bashku. Këtë herë po e ndjek unë një pulovër, dhe të gjithë të tjerët e kanë tashmë”, tha aktori.
Spoti i bën homazh episodit “Ai me pulovrën e kuqe” nga sezoni i tetë, i transmetuar në vitin 2001, të cilin e kishte drejtuar vetë Schwimmer. Njëzet e pesë vjet më vonë, skena mbetet ndër më të dashurat e serialit, që vazhdon të tërheqë breza të rinj shikuesish. Më shumë nga bota e ekranit gjeni te Film dhe TV.
