Larja e dhëmbëve është rutinë e përditshme, por shumë njerëz e bëjnë gabim. Profesori emeritus Murray Thomson nga Universiteti i Otagos në Zelandën e Re, autor i rreth 500 punimeve shkencore, këshillon përdorimin vetëm të furçave të buta, sepse pllaka është një shtresë e butë që nuk ka nevojë të fërkohet fort, sipas Telegrafit, që citon portalin Stuff.
Larja shumë e fortë mund të dëmtojë mishrat dhe të konsumojë dentinën, pjesën më të butë të dhëmbit. “Harroni qasjen ‘sa më fort, aq më mirë’”, thotë Thomson, i cili e ndan larjen në katër hapa: pjesa e brendshme dhe e jashtme e dhëmbëve të poshtëm, pastaj e njëjta gjë për dhëmbët e sipërm. Sipas tij, rregulli i dy minutave ndihmon, por ajo që ka rëndësi është cilësia, jo sasia.
Furça nuk duhet ndërruar sipas stinëve, por kur fijet hapen dhe koka shtrembërohet, sepse atëherë nuk pastron më mirë. Thomson thotë se edhe furçat elektrike janë shumë efektive për ata që i preferojnë. Për më shumë këshilla për mirëqenien, vizitoni rubrikën Shëndetësi.
