Princi Harry dhe bashkëshortja e tij, Meghan Markle, u shfaqën të martën në Parlamentin Evropian në Bruksel, në ceremoninë e hapjes së instalacionit “Lost Screen Memorial”, kushtuar fëmijëve dhe të rinjve që humbën jetën nga dëmet e lidhura me rrjetet sociale. Çifti u takua edhe me familje të prekura nga abuzimi në internet, raporton Euronews Albania.
Në fjalimin e tij, Harry u kërkoi kompanive të teknologjisë më shumë përgjegjësi për sigurinë e fëmijëve, duke thënë se ata duhet të ndihen të sigurt kudo, në shkollë, në kënde lojërash dhe në hapësirën dixhitale. Meghan, ndryshe nga sa ishte planifikuar, nuk mbajti fjalim.
Sipas mediave britanike, vendimi i saj lidhej me gjendjen emocionale pas arrestimit të babait të saj, Thomas Markle, në Florida, i cili akuzohet për posedim materialesh me abuzim seksual të fëmijëve dhe i ka mohuar akuzat. Ishte paraqitja e parë publike e Dukeshës së Sussex-it pas arrestimit. Më shumë nga jeta e yjeve dhe zhvillimet në Parlamentin Evropian ndiqni në Zëri Shqiptar.
