Kancelari gjerman Friedrich Merz ka paralajmëruar se nuk do ta miratojë buxhetin e BE-së për vitet 2028-2034 nëse të gjitha vendet anëtare nuk angazhohen për financimin e mëtejshëm të Ukrainës. Kërkesën ai e ka shtruar në një letër drejtuar presidentit të Këshillit Evropian, António Costa, shkruan The Guardian. Kryeministri sllovak Robert Fico e quajti këtë lëvizje “shantazh klasik” dhe tha se nuk do t’i nënshtrohet.
Fico foli të martën në Bratislavë, krah homologut të tij çek, Andrej Babiš, i cili tha se nuk e kupton qëndrimin e Merzit. Sllovakia, Çekia, Hungaria dhe Bullgaria refuzojnë të kontribuojnë në paketën e re të ndihmës për Kievin. Sipas Ficos, Sllovakia ka të njëjtën të drejtë vetoje si Gjermania.
Ukraina ka nevojë për rreth 70 miliardë euro vitin e ardhshëm, nga të cilat BE-ja synon të mbulojë 45 miliardë, ndërsa pjesën tjetër pritet ta japin aleatë si Britania e Madhe, Kanadaja dhe Japonia, sipas Politico. Liderët evropianë do ta diskutojnë çështjen në samitin joformal të Dublinit më 12 dhe 13 nëntor. Më shumë lajme nga kontinenti gjeni te rubrika Evropa.
