Rockstar Games hapi më 10 nëntor shkarkimet e hershme të lojës Grand Theft Auto VI (GTA VI) për PlayStation 5 dhe Xbox Series X|S, nëntë ditë para daljes zyrtare, njofton agjencia Anadolu. Lojtarët që e kanë porositur paraprakisht versionin digjital mund ta shkarkojnë lojën që tani. Sipas faqes së mbështetjes së Rockstar, instalimi mund të kërkojë deri në 212 GB hapësirë të lirë, në varësi të konsolës.
Në konsolat aktuale loja synon 30 kuadro në sekondë, ndërsa versioni për PlayStation 5 Pro do të ketë grafikë më të mprehtë. Sipas Rockstar Games, vetëm ky version do të ofrojë hije me teknologjinë ray tracing.
Pronarët e Xbox One dhe Xbox Series X|S do të mund ta luajnë GTA VI edhe përmes shërbimit Xbox Cloud Gaming. Versioni në transmetim do të përdorë cilësimet grafike të Xbox Series S, ndërsa shpejtësia e internetit mund të ndikojë në performancë, paralajmëron kompania. Lajme të tjera nga bota e lojërave video gjeni te rubrika Lojëra e Teknologjisë.
