Sekretari amerikan i Thesarit, Scott Bessent, është zhvendosur nga shtëpia e tij në Uashington në një bazë ushtarake pas kërcënimeve ndaj jetës që lidhen me Iranin, raporton BBC, duke cituar mediat amerikane. Sipas CBS, shqetësimet u rritën pasi një foto e shtëpisë së tij në lagjen Georgetown u publikua në Wall Street Journal.
Bessent ka qenë në krye të përpjekjeve për ta izoluar Iranin ekonomikisht përmes sanksioneve dhe një bllokade më të gjerë. Natyra e saktë e kërcënimeve nuk dihet, por inteligjenca amerikane ka paralajmëruar se Irani i ka shtuar “ndjeshëm” përpjekjet për të shënjestruar amerikanë, përfshirë zyrtarë. Një zëdhënës i Thesarit tha vetëm se Bessent “nuk do të frikësohet” dhe mbetet i përkushtuar ndaj presionit ekonomik mbi Teheranin.
Bessent nuk është i vetmi zyrtar që jeton në një bazë ushtarake, pasi aty banojnë edhe sekretari i Mbrojtjes, Pete Hegseth, dhe sekretari i Shtetit, Marco Rubio. Sipas BBC, SHBA-ja dhe Izraeli nisën në shkurt një fushatë ajrore kundër Iranit. Më shumë lajme nga SHBA-ja gjeni te rubrika Amerika.
