Qeveria federale e Zvicrës ka shtuar në listën e substancave të ndaluara disa drogat sintetike të reja, përfshirë tri që imitojnë efektet e kanabisit dhe dy që veprojnë si qetësues të fortë. Ndryshimet në Urdhëresën për Narkotikët të Departamentit Federal të Punëve të Brendshme (EDI) u miratuan të martën, sipas Telegrafit, që citon portalin Watson.
Lista e re nuk përfshin vetëm substanca të veçanta, por grupe të tëra përbërjesh kimike, në mënyrë që prodhuesit të mos e ndryshojnë pak formulën dhe ta shesin drogën me emër tjetër. “Kjo duhet të parandalojë që Zvicra të bëhet qendër për tregtinë e drogave të dizajnuara”, thuhet në njoftimin e EDI-së.
Substancat që imitojnë kanabisin përdoren edhe në lëngjet e cigareve elektronike dhe mund të jenë shumë më të forta se THC-ja natyrale, ndërsa qetësuesit, të kombinuar me substanca të tjera, mund të shkaktojnë helmim të rrezikshëm. Për komunitetin e madh shqiptar në vend, lajmet nga Zvicra vijnë ndërsa televizioni SRF raportonte se të rinjtë shqiptarë janë në kufijtë e durimit.
